Ya'n ye feito. Gracias a la chen que grabé lo concierto por Internet, disponemos de un fichero de video, que podrez vier. Lo son no ye guaire bueno, pero itandoli imaxinación... Miraré de puyar lo video, en cuanti que pueda... (a mirar si amanece en la barra de video)
9 de Octubre, en Pamplona, 19:30 horas, en lo 'Auditorium Baluarte'.
L'Academia de la Lengua Vasca, remerando los suyos 90 años d'existencia, levará a cabo en Pamplona lo XVI Congreso de lo Euskara entre lo lunes 6 d'outubre y lo viernes, día 10.
Con caráuter especial, la edición d'esti congreso ye dedicada a las lenguas pirenaicas: vasco, ocitano, aragonés y catalán.
L'Academia de l'Aragonés presentará astí 5 ponencias (literatura, toponimia, dialeutoloxía, codificación y teunoloxía) y dos grupos musicáls: lo Grupo Val d'Echo y la Orquestina de lo Fabirol. Los ocitanos se presentarán con un recital poetico.
Tañedós y cantaires de lo nuestrio Grupo ofrecerán lo chueves día 9, de tardis, ta las 19:30 horas, en lo 'Auditorium Baluarte' de Pamplona una chiqueta muestra (30/40 minutos) de las cantas en cheso mas representativas de autós de la Val.
CON UNA MIQUETA DE SUERTE, IGUAL SE I-VEYE EN DIREUTO POR INTERNET, SI PUNCHAZ ESTI ENLACE (A LA HORA DITA MAS ENTALTO):
http://www.euskaltzaindia.net/xvi_biltzarra/zuzenean.asp?hizkuntza=es
