¿S'ESCRIBE CON "J"?


Dimpues de meya vida querindo aibar de la nuestra cultura lo son que se prenuncia "j", porque nos parez propio de culturas mozarabes, anque bi-ha bels vocables como jauto, jeta, joriar, jopar... que agora podríanos escribir (sigún la propuesta ortografica de l'ACAR -Academia de l'Aragonés-) como hauto, heta, horiar, hopar...

Dimpues de estar clamando "cantas" a las coplas de ronda u de baile, por lo fastio que nos fa lo son de marras (por la parte Fraga, que tamien li han fastio, las claman "chotas", que agún sona pior...), mira por do, la televisión d'Aragón nos quiere fer pasar ta la "posteridat".

Lo pasau verano nos convideron a grabar un programa de la serie "SE ESCRIBE CON JOTA". Puyeron ta la Val lo zaguer cabo semana de otubre, nos tenieron 36 horas "en danza" con ellos por carreras, mons, monumentos y casas y, a la fin, dieron por acabada la recopilación de material grabau (mas de cinco horas) pa poder editar un capitulo que, a no tardar, podría emitirse en zaguerías de noviembre.

Los que vivítz d'Aragon en fuera, podretz vierlo en direuto por internet en la web de Aragon Televisión. Habretz que punchar en esti enlace:

http://www.aragontelevision.es/streaming_tele.html

Vos calo bella foto. En lo mon, con Luigi, Javier y Pablo...; en lo local, la presentadora Silvia repasa la entrevista con los bailadors...; las luces, las cámaras, los tecnicos... en fin, muita parafernalia.

Antiparti, en lo pallar d'Agustín, reconvertiu ta escenario, grabemos 8 temas de lo repertorio.












ULTIMA HORA: LA EMISION DE LO PROGRAMA PODRÍA ESTAR LO DIA 29 DE NOVIEMBRE, LUNES, anque hasta que no amanezca en la programación semanal de la suya 'web' (aragontelevision.es) no bi ha que confiarse